ලෝක පරිසර දිනය අදයි.

මෙවර(2021) එක්සත් ජාතීන්ගේ ලෝක පරිසර දින සැමරුම් තේමාව වනුයේ “Reimagine Recreate Restore.” වන අතර එය  'Ecosystem restoration' (පරිසර පද්ධතියේ ප්‍රතිස්ථාපනය(?)) වෙත අවදානය යොමු කර ඇත. පරිසර පද්ධතිය යනු සරලව හඳුන්වන්නේ නම් "ස්වභාවිකව පවතින ලෝකයයි".

ඔවුන්ගේ තොරතුරුවලට අනුව, පසුගිය ශතවර්ෂය තුළ සෑම තත්පර තුනකට වතාවක්, පාපන්දු පිටියක් ආවරණය කිරීමට හැකි වනාන්තර ප්‍රමාණයක් විනාශ වෙමින් පැවත ඇත. ලෝකයේ තෙත් බිම් සහ කොරල්පරවලින් අඩක් විනාශ වී ඇත. ගෝලීය උෂ්ණත්වය සැලකිය යුතු මට්ටමකින් ඉහල ගොස් ඇති බැවින් දේශගුණ විපර්යාස සිදුවෙමින් පවතී.

පින්තූරය: ගෙදර වතුර ටැංකිය තියෙන කොන්ක්‍රීට් එකට වැටිල පැළුන බෙලි ගෙඩියක හෙමින් එලියට පැනපු බෙලි පැලයක්.

ලෝකයේ තත්වය එසේ තිබියදී ලංකාවෙ තත්වය ගැන කතා කරන්න දත්ත පවා නැහැ කියලයි මට හිතෙන්නෙ. පසුගිය වසර කිහිපය තුලදී ලංකාවෙ විවිධ පරිසර පද්ධතීන් විනාශ වු ආකාරය අපි හැමෝම දකින්න ඇති. ලංකාවේ යටිතල පහසුකම් තවදුරටත් දියුණු වීම අවශ්‍ය වුවත් එය තිරසාර සංවර්ධනයක් ("තිරසාර" යන්න බොහෝවිට අවභාවිත වචනයක්) විය යුතු අතර පරිසර පද්ධති විනාශ වීම මගින් වඩාත් අයහපත් ප්‍රතිපල ගෙනදීම නොවැලක්විය හැකිබව මගේ විශ්වාසයයි. පසුගිය දින දෙක තුළ වර්ෂාවත් සමග ඇතිවූ ස්වභාවික විපත් මේ සංසිද්ධීන් හි ප්‍රතිපල විය හැකියි.

අපිට ප්‍රතිස්ථාපනය තරමක් ඈත බව මගේ හැගීමයි. කෙසේ  වෙතත් අපේ රටේ දැනට සිදුවන පරිසර පද්ධති හානි කිරීම අවම සහ තිරසාර සංවර්ධන ව්‍යාපෘති සඳහා වැඩි ඉඩක් ලැබුනහොත් විනාශවූ බොහෝ පරිසර ක්ෂේත්‍ර කාලයත් සමග නැවතත් වර්ධනය වනු ඇති. 

විවිධ කාලයන්හිදී විවිධ පරිසර විනාශයන් වෙනුවෙන් හඬනැගූ මිනිස්සු සිහිකරමු!

සමාජ මාධ්‍ය හරහා ඒ වෙනුවෙන් හඬ නැගූ සියලුදෙනාට ස්තූති කරමු!

_______________________________________________________________

Sources: 

https://www.un.org

https://www.business-standard.com